<aside> 💡

انت في تو عايز مرجع لامم الكلام كله ترجع ليه لو حبيت تقرا كل شئ عن مرض + مصدر ملخص فيه الكلام اللي بيتسال في النبمي و الامتحان الحقيقي

</aside>

📚 مشكلة المصادر في Step 2 CK

من المشاكل اللي بتواجه كتير في تو هو إنه مش معروف تقرأ منين بالضبط كمصدر مذاكرة، مش زي ون مثلًا، الأمور واضحة، فرست إيد يعتبر مثلًا المرجع الأساسي.

تو الدنيا عايمة فيها شويتين.

ففي مصادر قراية كتير عندك:

اينر سيركل، ملمان، مكتبة امبوس، واليو ورلد.

وهتكلم عن كل واحد وتجربتي معاه:

🟡 اينر سيركل:

لما الواحد بدأ، كله كان بيحلف بيه وقد إيه هو كويس لدرجة إني حتى طبعته، مكتفيتش بالـ PDF.

بس لما بدأت فيه، مرتحتش معاه، مع إني خلصت منه كذا شابتر.

كنت بقرأ وحاسس الدنيا ملعبكة، وفي مثلًا حاجات وجداول بشوفها في اليو ورلد لكن منقوصة فيه.

يعني لما أحب أطلع شيء معين ساعات كنت مش بلقاه.

وكذلك الجزء التِكست فيه مش منظم، ومتعرفش منين يودي على فين.

فعشان كده سحبت عليه، واتحط في مخي في نفس خانة أنكي: جميل على الورق، وكله بيقول إنه نفسه يستخدمه، لكن نادرًا ما بيظبط مع حد.

🟢 مكتبة اليو ورلد:

هتقول لي: طب إيه بديل يكون شامل؟

هقولك يا مدير: عندك مكتبة اليو ورلد، اللي عاملاها منسقة بصورة جميلة جدًا، وكلامها منمق ومرتب، وفيها كل جداول وصور اليو ورلد، وبتتحدث.

فهي بالنسبة ليا النسخة الأفضل من اينر سيركل.