بالنسبة ليا انا شايف اول ما تكسر 245 ممكن تختار التلت شهور اللي عايز تخش فيهم و اليوم بقي اختاره حسب التارجت بتاعك بالنسبة ليا اول ما قربت علي 255 حجزت اليوم و توكلت علي الله و سلكت و طالما مش مضغوط من حيث وقت متخشش غير لما توصل للارقام اللي نفسك تجيبها في امتحانك لان الامتحان الحقيقي اعتبره نبمي جدي داخله نفس المستوي الطول و نوعية الاسئلة فلو معملتش كويس في النبمي او وصلت لرقم مرضي ليك ليه تخش؟ و لكن لا تنسي يوم الامتحان دا رزق من ربك كل اللي يجيبه جميل احنا بنتكلم من باب الاخذ بالاسباب, و مرة كمان مجرد اجتياز دا انجاز و لكن لو عندك وقت حرام متبقاش جبت اخرك بحيث ايا كان النتيجة تبقي عارف ان مفيش شئ تاني كان تقدر تعمله و معملتوش

ستب تو امتحانها اطول بساعه فحاول تعود نفسك تحل لفترات مطولة متواصل لانها اصعب شئ يوم الامتحااااااااااان

نصيحة صغيرة لاخر فترة قبل الامتحان اقفل علي نفسك كويس, يعني ايه؟ ركز في مذاكرتك و متتكلمش كتير و استعين علي قضاء حاجتك بالكتمان دا جانب كدا كدا انت عارف الصح اللي مفروض يتعمل فبدل ما تقعد تحكي عنه اعمله, تاني شئ لما تتكلم كتير في الفترة دي بيجي ليك نصايح كتير من ناس بحسن نية لكن هتسمع لمين و لا مين افضل ليك اسمع لناس انت تثق فيهم قليلين صحابك احسنلك و يكونوا بيعرفوا يوجهوا كويس توجيه من حد كويس احد من 5 عشوائيين و هتلقي نفسك عرفت تركز اكتر في مذاكرتك و دا من اكتر حاجات مبسوط اني عملتها انهم 2-3 اللي كنت اصلا معرفهم اني داخل في يوم كذا و كنت باخد منهم نصايح و هما عارفين نفسهم شكرا جدا ليكم :) ربنا يجعله في ميزان حسناتكم و يقدرنا علي رده للشباب القادمين