💎 من أثمن النصايح اللي الواحد خدها:
- دي من اثمن النصائح اللي الواحد خدها بصراحة, بعد ون انا كان عندي ديدلاين غبي لتو حاطه في مخي و هو ان قبل بدء الامتياز اكون مخلص تو, حتي من قبل ما افتح كتاب او احل سؤال, ليه معرفش, هي كدا, لحد ما احد الاصدقاء المحترمين قالي اخي في الله متخشش تو الا لما تكون استنفذت كل شئ كنت تقدر تعمله عشان تخش الامتحان و تطلع منه عارف ان مكنش في شئ تاني يتعمل عشان ميبقاش في ندم مع النتيجة لا قدر الله خصوصا انك لسه مبداتش امتياز حتي
- قالي لما تخلص هتعمل ايه يعني؟ قالي هتلقي وقت فاضي كتير و لو كروت تحضيرك في تو و مكنش الرقم المأمول هتقول يا ريتني كنت عملت كذا يا ريتني كنت
- صراحة النصيحة دي من اهم الحاجات اللي فرقت مع الواحد, خلتني احل كل اللي اقدر عليه مخشش غير لما اوصل للارقام اللي انا عايزها في النبميز, لان فعلا فكرت فيها هل هتفرق اوي لو خلصت كام شهر بدري؟
- و للامانة كان في تخبط في بداية التحضير ففكرة اني كنت حاطط ديدلاين صارم كدا من اولها كانت غبية و لو كملت فيها اظن كانت هتبقي مؤذية جدا
🧭 الخلاصة ووجهة النظر:
- فالخلاصة لو سنك صغير لسه في الكلية او عموما و الله متجريش و خلاص لديدلاين معين الا لو ظروف ضاغطه عليك
- لكن لو الامور متاحد خد وقتك اسس كويس عشان لما تطلع من امتحان تبقي عارف ان مكنش في شئ تاني يتعمل
- و كدا كدا كل اللي يجيبه ربك كويس
- اجتياز امتحان زي دا في حد ذاته انجاز و لكن لو انت طالب عادي زي حالاتنا متخليش مثلا تجارب اللي خلصها في 4 شهور و خمس شهور تحسسك بسوء انك مطول مثلا
- في الاول و الاخر كدا كدا هتخش باذن الله خش في الوقت المناسب ليك و مناسب لوضعك, و متجيش علي جودة التحضير عشان السرعه.
📈 متقارنش، راقب تقدمك:
- و في الاول و الاخر انت بتذاكر و تمتحن عشان نفسك
- فابعد عن مقارنات من حيث مدة التحضير
- طالما شغال و في تقدم و النهاردة تعرف اكتر من امبارح و بكرة اكتر من النهاردة
- انت ماشي كويس و خش لما تكون قدام نفسك مفيش شئ تاني يتعمل غير ال318 سؤال بتوع الامتحان الحقيقي