المرحلة الثانية - NBME Exams:

لو مؤسس نفسك كويس من البداية، المرحلة دي هتكون جني الثمار بفضل الله.

الأخطاء اللي لازم تتجنبها في المرحلة دي:

1. تجاهل الامتحانات من 20-24:
   • متقولش الامتحانات دي قديمة ومش مهمة، خصوصًا لو السكور مش كويس.
   • الامتحانات دي (20-24) بتحتوي على 1000 سؤال وفكرة من واضعي الامتحان.
   • لما تحلهم كويس، هتدخل على الامتحانات الجديدة (25-31) وأنت مصلح أغلاط كتير، وسكورك هيكون مشجع أكتر.
2. الخوف من البدء في الامتحانات:
   • متفضلش تستنى تخلص المنهج 100% عشان تبدأ. المنهج مش هيبقى حاضر في دماغك كله طول الوقت.
   • خد امتحان دلوقتي عشان تعرف موقفك وتحدد مراجعتك بناءً عليه.
   • ركز على السستمز اللي ضعيف فيها بناءً على النتايج، وحسن نفسك في التسرع، تغيير الإجابات، أو مشاكل قراءة الأسئلة.
3. حل الامتحانات بدون مراجعة وتحليل:
   • لو حلّيت امتحان وراجعت إجاباتك بسرعة أو بدون تحليل، مش هتعالج أخطائك.
   • حتى لو سكوراتك فوق 70%، لازم تركز على الـ30% اللي غلطت فيها وتحسن نفسك فيها.
   • جمع كل المواضيع اللي ضعيف فيها في لستة، واشتغل عليها لحد ما تقفلها.
4. حل بدون الالتزام بالوقت:
   • البلوك (50 سؤال) ليك ساعة وربع. متطولش البريكات بين البلوكات (5-10 دقايق كفاية).
   • لازم تعود نفسك على قعدات طويلة للحل، لأن يوم الامتحان هيكون تحدي بطوله (8 ساعات).
5. تأخير مراجعة الامتحان:
   • لو راجعت الامتحان بعد أيام من حله، هتنسى إزاي كنت بتفكر في الإجابات.
   • الحل: راجع جزء من الامتحان في نفس اليوم، وكمل باقيه في اليوم اللي بعده.
6. عدم ترك وقت كافي بين الامتحانات:
   • حاول تسيب على الأقل 4 أيام بين كل امتحان.
   • استخدم الوقت ده لمراجعة الامتحان اللي فات، وتصحيح المواضيع اللي ضعيف فيها.
7. التركيز على ترتيب الامتحانات:
   • متشغلش بالك بترتيب الامتحانات. كلها بتقيمك، والاختلاف بيكون في طبيعة الأسئلة.
   • خد الامتحانات بالترتيب اللي يناسبك، لكن المهم تعملهم كلهم (20-31).
8. مش محتاج تعيد يو ورلد تاني حل اغلاطك بس كفاية عند الاغلب بتبقي فوق الالف سؤال, اعادته تاني كله هتبقي مط وقت لو انت عامله اول مرة كويس, لان هتبقي فاكر الاجابات لاسئلة كتير فالاولي تحل اللي غلطت فيه بس و ممكن الماركد اكتر من كدا هيبقي كتير علي الفاضي

<aside> 💡

حاكي ظروف الامتحان من حيث وقت اخده و البريكات و الظروف المحيطة

</aside>

<aside> 💡

خليك امين في تصحيح الامتحانات الاوفلاين من 20-24 يعني لو حليت غلط يبقي غلط حتي لو كنت عارف

</aside>

<aside> 💡

اي امتحان بيتاخد بيعتبر محروق و منقدرش ناخده كتقييم تاني و عشان نقيم بناخد جديد

</aside>

إيه اللي يتعمل في المرحلة دي؟

<aside> 💡

اول امتحان تاخده هتشوف سكورك كام في المية؟

تحت ستين في المية معناها لسه محتاج شغل اكتر

هتحل كل يوم بلوك او اقل من اغلاطك بيو ورلد عشان تطبق علي اللي بتراجعه

الامتحان اللي انت اخدته تقيم نفسك فيه كويس و تحدد مشاكلك ايه بحيث القادم تعرف تشوف تحسن ملحوظ باذن الله

الفكرة ان سكور ضعيف يبقي مينفعش تفضل ماشي في الامتحانات و خلاص عشان كدا طول ما السكور ضعيف خلي المدة بين كل امتحانين طويلة شوية تراجع و تحل اغلاطك فيها بحيث تحسن امورك كويس و تشوف نتيجة و تحسن

لو فوق 60% كمل برضو نفس الكلام بس هتبقي فترة اقل بين كل امتحانين

</aside>

1. حل كل امتحانات NBME من 20-31:
   • مهم جدًا تعملهم كلهم، لأنهم حجر الأساس لتقييمك.
2. حل أغلاطك في UWorld بين الامتحانات:
   • لو مثلًا خلصت NBME 20، وراجعته في يومين:
     • باقي الأيام قبل NBME 21 حل جزء من أغلاطك في UWorld (راندوم بلوك أو نص بلوك).
     • الهدف: تطبق اللي راجعته، وتستمر في الحل بشكل منتظم.